نشف ريق الصبر والموعد بلحظه حظوري نام
واحلامي كهل عاثر رفع كفه يعزيني
بكاني حظي المجنون والبسني ثياب احرام
توسدت الأمل عله على غفله يمسيني
غرقت في بحر اوهامك ..دليلي دفتر واقلام
رفض حبر القلم صوتي وبردك ما يدفيني
عطيتك كل ما املك وفي قلبك شعوري هام
وانته نار تحرقني ..واحسبك نور يضويني
سرى في داخلي نبض وضلع يعتريه إحيام
وهم قد نصب خيمه على ضفه شراييني
كثير من الفرح قاتل ..وحظي للأسف ما قام
ودرب ينتهي يمك على عكسه توديني
قريتك صفحه بيضا...عزفتك في الحنايا انغام
هجرتك لأجل ما قربك يسافر بالأمل فيني
أنا أرفض عطفك القاسي يجمعني بقايا أحلام
وإذا كان الظما كاس بإيدك كيف تسقيني ؟
جلست ومن أفكاري تراودني كثير أوهام
أحاول انسى الواقع ...ولكنه...يصحيني
حظي المجنون!! 
العرض العادي
